नइ प्रकाशन Nai Prakashan
»  अन्तर्राष्ट्रिय र राष्ट्रिय पुरस्कार   »  नइ देरुनीखपू पुरस्कार   »  देशविदेशका दस जनालाई नइ पुरस्कार   »  वाङमय, धर्म र सेवा पुरस्कार   

गोपीकृष्ण प्रसाईको कविता

सल्किएको चुरोट

गोपीकृष्ण प्रसा

मैले चुरोट सल्काउनलाई ओठमा
मायाका श्रङ्खलाहरु उभ्याएँ
स्वप्निल मायालु बस्तीहरु
प्रगतिले बिट मारेका पुराना अस्थिहरु
पीडा र हर्ष मिश्रित आँशु बोकेर
चुरोट सँगसँगै सल्किएपछि
निकोटिनले मुटुका भल्भहरु खान पल्किएपछि
आफ्नै मलामीको माझमा
पलायनवादी हाँसोहरु फुट्दै गए  ।


रात निश्छल थियो
जीवन जोगाउने मनभित्र दियो जल्दै थियो
यसरी दिनहुँ आएर चुरोटले मसँग
जीवनको हरहिसाब किन लियो, लियो ?
उसले मलाई के नै दियो र खै ?
तर मेरो उम्लँदो रगतलाई दाह्रा धसेर पलपल पियो

ठुटा चुरोटका एस्ट्रेमा सजेका मेरा प्रेमी भावनाहरु

धेरै दुखी बनेका छन् अचेल
मुटु दुखाएर, कलेजो सुकाएर, स्वाभिमानी छाती फुटाएर
ओठमा अल्झिरहेछ चुरोटको चुम्बन
मृत्युको द्बारमा अस्तित्वको खोजि गर्न
कालकुट विषका सिसीहरु जुटाएर
चुरोटले घायल तुल्याएर आस्थाका सागरहरु

आँशुको भेल बढ्दै जाँदा मृत सागरमा प्रतिस्थापन भए
अन्योलग्रस्त छाती, रुनुछ एक्लै सन्नाटामा
बादलको महल ठड्याएर बसेका एक जोडी आँखाहरु
सपनाको संसार नउभिंदै कता गए कता गए


गोपीकृष्ण प्रसाईको सङ्क्षिप्त परिचय
हाङपाङ
, ताप्लेजुङ, नेपाल
शिक्षा
एमपीए, बी. एस्सी (त्रि.वि.)
साहित्यिक सेवा
सन् २००५ जनवरीमा जर्मनीमा अ.ने.सा.स.को स्थापना
२००५ देखि २००७ सम्म संस्थापक महासचिव
२००८ देखि २०१० सम्म अ.ने.सा.स. बेलायतको उपाध्यक्ष
संस्थापक उपाध्यक्ष
, अन्तराष्ट्रिय नेपाली वाङ्गमय प्रतिष्ठान बेलायत (२०१२ देखि)
ताप्लेजुङ समाज
,
यू. के. को संस्थापक सदस्य
भानु
द्बिशातवार्षिकी समारोह समिति बेलायतको सदस्यसचिव (नेपाल सरकार)
कृति
१. एक वेदना दुई कल्पना (कवितासङ्ग्रह (२०४८)

२. रात ढलेको थिएन (कवितासङ्ग्रह (२०६७)

पत्रिका सम्पादन
१.लालीगुराँस (पत्रिका एवम् अनलाइन संस्करण : २००५/२००६ बर्लिन)
२.अन्तर्दृष्टि (साहित्यिक त्रैमासिक) अनेसास २०१० -२०१२

विशेष लेखन
समालोचना, निबन्ध, कथा आदि  

पुरस्कार
नइ गणेश दुर्गा पुरस्कार
अनेसास सीता पाण्डे
सर्वोत्कृष्ट पुस्तक पुरस्कार  
भानुभक्त स्वर्ण पदक
त्रिमूर्ति पदक
साहित्य सँगालो डटकम पुरस्कार

सम्मान
महिला संचार सम्मान
भूगेल सम्मान
मानचित्र सम्मान

प्रतियोगिताबाट पुरस्कृत
१. शान्ति क्षेत्र अध्ययन तथा अनुसन्धान केन्द्र (काठमाण्डौ)
, बृहत् कविता गोष्ठीमा प्रथम (२०४८)
२. अनलाईन नेपाली साहित्य मञ्च वेलायत, विश्व वेभ क्याम, कविता गोष्ठीमा प्रथम

gkjhapa@yahoo.com