नइ प्रकाशन Nai Prakashan
»  अन्तर्राष्ट्रिय र राष्ट्रिय पुरस्कार   »  नइ देरुनीखपू पुरस्कार   »  देशविदेशका दस जनालाई नइ पुरस्कार   »  वाङमय, धर्म र सेवा पुरस्कार   

अन्तर्राष्ट्रिय र राष्ट्रिय पुरस्कार

 
 
 
 
 
 
 
 
 
 
 
 
 
 
 
 
 
 
 
नेपाल, भारत र अमेरिकाका सर्जकलाई पुरस्कार




 
 

        नेपाल प्रज्ञाप्रतिष्ठानका कुलपति बैरागी काइँला
, स्रष्टा उषा शेरचन र प्रा.डा. उषा ठाकुरले विविध क्षेत्रमा समर्पित भई आआफ्ना ठाउँबाट प्रतिष्ठा आर्जन गर्ने राष्ट्रिय र अन्तरराष्ट्रिय  क्षेत्रका सात जना व्यक्तित्वलाई २०६९ वैशाख २२ गते (४ मे २०१२राजधानी काठमाडैमा २०६९ सालको नइ पुरस्कार प्रदान गर्नु भयो ।
       
तीन लाख रूपियाँ राशिको 'नइ देरूख अन्तरराष्ट्रिय  पुरस्कार' संयुक्तराज्य अमेरिकाको कोलम्बिया विश्वविद्यालयका मानवशास्त्री प्रा.डा.थियोडोर रिकार्डलाई प्रदान गरियो । यो पुरस्कार विशिष्ठ प्रतिष्ठा आर्जन गर्ने विदेशी नागरिकलाई हरेक वर्ष प्रदान गरिन्छ ।
यसैगरी दुईलाख रूपियाँ राशिको 'नइ देरूनीख अन्तरराष्ट्रिय  पुरस्कार' भारतीय नेपाली साहित्यकार प्रा.लीलबहादुर क्षेत्रीलाई प्रदान गरियो । यो पुरस्कार नेपालीगोर्खाली मुलका विशिष्ठ प्रतिष्ठा आर्जन गर्ने विदेशी नागरिकलाई हरेक वर्षप्रदान गरिन्छ ।
समारोहमा पत्रकार, शिक्षासेवी तथा अक्षरशिरोमणि मदनमणि दीक्षितलाई एक लाख रुपियाँ राशिको 'नइ खरा सुकर्ति पुरस्कार' प्रदान गरिएको थियो ।
त्यसैगरी महाकवि लक्ष्मीप्रसाद देवकोटाका गणेशका नाउँले सुपरिचित साहित्यकार पं.श्यामदास वैष्णवलाई पचास हजार रूपियाँ राशिको 'नइ खरा प्रदीप्ति पुरस्कार' प्रदान गरियो ।
दृश्यविहीन भएर पनि सामाजिक जागरणमा समर्पित कुमार थापालाई पचास हजार रूपियाँ राशिको 'नइ खरा सुरभि पुरस्कार' प्रदान गरियो ।यो पुरस्कार विशिष्ठ प्रतिष्ठा आर्जन गर्ने अन्धअपाङ्गलाई मात्र हरेक वर्षप्रदान गरिन्छ ।
गीत गायन तथा समाजसेवामा मन, वचन र कर्मले जागरुक आनी छोइङ डोल्मालाई पच्चीस हजार रुपिया राशिको 'नइ खरा गौरव पुरस्कार' प्रदान गरियो ।
प्रथम मिस तरा, मानवअधिकार कर्मी तथा पत्रकार प्रसून सिंहलाई पन्ध्र हजार रुपियाँ राशिको 'नइ खरा पौरख पुरस्कार' प्रदान गरियो ।
नेपाल प्रज्ञाप्रतिष्ठानका कुलपति बैरागी काइँलाले समारोहकी विशिष्ट अतिथि संयुक्त राज्य अमेरिकाकी समाजशास्त्री तथा नारी अधिकारकर्मी एलेन कुनलाई नइ प्रकाशनको प्रतीक चिन्ह प्रदान गर्नुभयो ।
नइ प्रकाशनका अध्यक्ष इन्दिरा प्रसाईको अध्यक्षतामा सम्पन्न समारोहमा पुरस्कृत व्यक्तित्वहरु, नेपाल प्रज्ञाप्रतिष्ठानका कुलपति बैरागी काइँला, उपकुलपति गंगाप्रसाद उप्रेती, संयुक्त राज्य अमेरिकाकी समाजशास्त्री तथा नारी अधिकारकर्मी एलेन कुन र नइ प्रकाशनका सदस्यसचिव नरेन्द्रराज प्रसाईले मन्तव्य दिनु भयो ।
नइ प्रकाशनका पुरस्कार संस्थापक खनूपरुदे रामबाबू अस्वस्थ हुनु भएकाले समारोहमा उपस्थित हुनुभएन ।
नइ प्रकाशनले राष्ट्रिय र अन्तरराष्ट्रिय  पुरस्कार छनौटका लागि नेपाल प्रज्ञाप्रतिष्ठानका कुलपति बैरागी काइँलाको संयोजकत्वमा दार्जीलिङ भारतका डा.इन्द्रबहादुर राई, लण्डन विश्वविद्यालयका प्रा.डा.माइकल हट, त्रिभुवन विश्वविद्यालयका प्रा.डा.सुरेन्द्र केसी र नरेन्द्रराज प्रसाई सदस्य रहनु भएको निर्णयक समिति गठन गरेको थियो । सोही समितिको सिफारिसमा पुरस्कृत व्यक्तित्वको चयन गरिएको थियो ।
  
००००००००००००००००००००००००००००००००००००००००००००००००००००
गत वर्ष
अन्तर्राष्ट्रिय र राष्ट्रिय क्षेत्रका आठ जना पुरस्कृत
 काठमाडौं, काठमाडौं, २०६८ बैशाख १५ गते : अप्रिल 28, 2011
 
      नइ प्रकाशनका पुरस्कार संस्थापक तथा सुप्रसिद्ध राजनीतिज्ञ श्री खनूपरुदे 'रामबाबू' प्रसाई, नेपाल प्रज्ञाप्रतिष्ठानका कुलपति श्री बैरागी काइँला र संस्कृतिविद् सत्यमोहन जोशीले संयुक्त रुपमा आज राजधानीमा नेपाल राष्ट्र र अन्तर्राष्ट्रिय क्षेत्रका आठ जना महानुभावहरूलाई २०६८ सालका नइ प्रकाशनका विभिन्न पुरस्कार प्रदान गर्नु भयो ।
     उहाँहरुले तीन लाख रूपियाँ राशिको नइ देरुख अन्तर्राष्ट्रिय पुरस्कार बेलायतका प्रा.डा. माइकल हटलाई प्रदान गर्नु भयो । उहाँलाई सो पुरस्कार साहित्य र शिक्षासेवामा समर्पित भएबापत प्रदान गरिएको हो ।
      यसै गरी दुई लाख रुपियाँ राशिको नइ देरुनीख अन्तर्राष्ट्रिय पुरस्कार रुसका श्री कृष्णप्रकाश श्रेष्ठलाई प्रदान गरिएको छ । नेपाली वाङ्मयको श्रीवृद्धिका लागि निरन्तर जागरूक र समर्पित हुँदै नेपाली भाषासाहित्यको अन्तर्राष्ट्रिय विस्तारमा महत्त्वपूर्ण योगदान गरेबापत उहाँलाई सो पुरस्कार प्रदान गरिएको हो ।
      त्यस्तै चित्रकार शशी शाहलाई एक लाख रुपिया राशिको 'नइ खरा सुकर्ीर्ति पुरस्कार' प्रदान गरिएको छ । उहाँलाई चित्रकलाका क्षेत्रमा समर्पित हुँदै अन्तर्राष्ट्रिय स्तरको चित्रकला सृजनागरी चित्रकलाका क्षेत्रमा नेपालको गौरव बढाउनमा महत्त्वपूर्ण योगदानका निम्ति सो पुरस्कार' प्रदान गरिएको हो ।
त्यसै गरी नेपाली संस्कृतिलाई भेषभाषा तथा अभिनयका माध्यमबाट जीवन्त राख्न विशिष्ट योगदानका निम्ति चरित्र अभिनेत्री श्रीमती वसुन्धरा भुसाललाई पचास हजार रूपियाँ राशिको 'नइ खरा प्रदीप्ति पुरस्कार' प्रदान गरिएको छ ।
नेत्रविहीन भएर पनि नेपालको सामाजिक जागरणमा समर्पित हुँदै अपाङगहरुको हित, मर्यादा र अधिकारका लागि रातोदिन समर्पित भएवापत वीरेन्द्रराज पोखरेल तथा नरबहादुर लिम्बुलाई संयुक्त रुपमा पचास हजार रूपियाँ राशिको 'नइ खरा सुरभि पुरस्कार' प्रदान गरिएको छ । यो पुरस्कार नेत्रहीन तथा अपाङ्ग प्रतिभाहरुलाई मात्र प्रदान गरिन्छ ।
      शिक्षासेवामा मन, वचन र कर्मले समर्पित हुँदै जनस्तरमा शिक्षाको जागरण ल्याउनका साथै निम्न आर्थिकस्रोत भएका समूदायलाई समेत शिक्षाको ज्योति प्रदान गर्न जागरुक भएवापत उत्तम सञ्जेललाई पच्चीस हजार रुपिया राशिको 'नइ खरा गौरव पुरस्कार' प्रदान गरिएको छ ।
      यसै गरी पन्ध्र हजार रुपियाँ राशिको 'नइ खरा पौरख पुरस्कार' नृत्य र पढाइकी प्रखर प्रतिभा सुश्री अनुजा अग्रवाललाई प्रदान गरिएको छ ।
समारोहका प्रमुख अतिथि नेपाल प्रज्ञाप्रतिष्ठानका कुलपति श्री बैरागी काइँलाले ल्युदमिला अलेक्सान्द्रोभ्ना आगानिनाद्वारा रुसी भाषामा लिखित तथा श्री कृष्णप्रकाश श्रेष्ठद्वारा नेपाली भाषामा अनूदित 'नेपालका महाकविको कथा नामक ग्रन्थको लोकार्पण गर्नु भयो ।
      नइ प्रकाशनका अध्यक्ष श्रीमती इन्दिरा प्रसाईको सभापतित्वमा सञ्चालित सो समारोहमा पुरस्कृत व्यक्तिहरु तथा नेपाल प्रज्ञाप्रतिष्ठानका कुलपति श्री बैरागी काइँला, उपकुलपति गङ्गाप्रसाद उप्रेती, पूर्वमन्त्री तथा स्रष्टा डा.मोदनाथ प्रश्रि, संस्कृतिविद् सत्यमोहन जोशी, त्रिवि नेपाली विभागीय प्रमुख प्रा.राजेन्द्र सुवेदी, महाराजगन्ज मेडिकल कलेजका प्रमुख तथा तथा नइ प्रकाशनका उपाध्यक्ष प्रा.डा.रामप्रसाद उप्रेती र सदस्यसचिव नरेन्द्रराज प्रसाईले सम्बोधन गर्नुभएको थियो ।

 

०००००००००००००००००००००००००००००००००००००००००००००००००००००००००००००००००००००००००००
 
 
दुई वर्षअघि

काठमाडौं, २०६७ बैशाख १७ गते : अप्रिल ३०, २०१०

Nai Prize Distribution

नइ प्रकाशनका मानार्थ सदस्य तथा पुरस्कार संस्थापक श्री खनूप्रुदे 'रामबाबू'ले राजधानी काठमाडौंमा आज एक समारोह माझ नेपाल राष्ट्र र अन्तर्राष्टि्रय क्षेत्रका नौ जना महानुभावहरूलाई ०६७ सालको विभिन्न पुरस्कार प्रदान गर्नु भयो ।

खनूप्रुदे 'रामबाबू'ले तीन लाख रूपियाँ राशिको नइ देरुख अन्तर्राष्टि्रय पुरस्कार पाकिस्तानकी प्रा. डा. ताहिरा निगत नैयरलाई प्रदान गर्नु भएको छ । उहाँलाई सो पुरस्कार साहित्य र शिक्षासेवामा समर्पित भएबापत प्रदान गरिएको हो ।

यसै गरी दुई लाख रुपियाँ राशिको नइ देरुनीख अन्तर्राष्टि्रय पुरस्कार भारतका श्री इन्द्रबहादुर राईलाई प्रदान गरिएको छ । । नेपाली वाङ्मयको श्रीवृद्धिका लागि निरन्तर जागरूक र समर्पित हुँदै नेपाली भाषासाहित्यको अन्तर्राष्टि्रय विस्तारमा महत्वपूर्ण योगदान पुर्याएबापत उहाँलाई सो पुरस्कार प्रदान गरिएको हो ।    
त्यस्तै प्रा. डा. भीष्मराज प्रसाई र प्रा.डा.भगवान कोइरालालाई संयुक्त रूपमा एक लाख रुपियाँ राशिको नइ खरा सुकीर्ति पुरस्कार प्रदान गरिएको छ । । उहाँहरूलाई चिकित्साक्षेत्रमा निस्वार्थ रूपमा समर्पित हुँदै अन्तर्राष्टि्रय स्तरको समेत सेवा प्रदान गरेर नेपालको प्रतिष्ठा बढाउनमा महत्वपूर्ण योगदान गरेवापत सो पुरस्कार' प्रदान गरिएको हो ।

त्यसै गरी इतिहासकार चित्तरञ्जन नेपाली र प्रा.डा.उषा ठाकुरलाई जनही पचास हजार रूपियाँ राशिको नइ खरा प्रदीप्ति पुरस्कार प्रदान गरिएको छ । नेपालीलाई नेपाली भाषाको श्रीवृद्धिमा महत्वपूर्ण योगदान दिंदै नेपालको इतिहासलेखनको आधिकारिकता कायम गरेर गौरवमय गाथालार्इ लिपिबद्ध गरी संरंक्षण र संवर्द्धन गरेबापत र प्रा.डा.ठाकुरलाइ शिक्षासेवा तथा नेपाली भाषासाहित्यको साधनामा समर्पित रहँदै समालोचना, निबन्ध, कविता आदि विधामा योगदानका निम्ति सो पुरस्कार प्रदान गरिएको हो ।

समाजसेवाको क्षेत्रमा मन,वचन र कर्मले समर्पित हुँदै नारी जागरणका क्षेत्रमा उल्लेखनीय र महिमाशाली योगदान पुर्याउनुहुने श्रीमती लीली थापालाई पच्चीस हजार रुपियाँ राशिको नइ खरा गौरव पुरस्कार प्रदान गरिएको छ ।

यसै गरी जनही पन्ध्र हजार रुपिया राशिको नइ खरा पौरख पुरस्कार डा. होसिम प्रसाई थापा र कुशल केसीलाई प्रदान गरिएको छ । शैक्षिक यात्राका क्रममा कक्षा एकदेखि एम.बी.बी.एस.सम्म प्रथम हुनाका साथै भाग लिएका जुनसुकै अतिरिक्त कि्रयाकलापमा समेत सधैं उत्कष्ट स्थान प्राप्त गर्नहुने अव्दितीय प्रतिभा डा. होसिम प्रसाई थापा र किशोरभावना, जोस र शक्तिलाई वैज्ञानिकीकरणमा केन्दि्त गर्दै सोलार मोटरको निर्माण गरेर देशदेशान्तरमा नेपालको इज्जत बढाउनुहुने कुशल के. सी.लाई सो पुरस्कार प्रदान गरिएको हो ।

नइ प्रकाशनका अध्यक्ष श्रीमती इन्दिरा प्रसाईको सभापतित्व र काठमाडौं विश्वविद्यालयका उपकुलपति डा. सुरेशराज शर्माको प्रमुख आतिथ्यमा सञ्चालित सो समारोहलाई पाकिस्तानका राजदूत सयाद अब्रर हुसेनले सम्बोधन गर्नु भएको थियो ।

समारोहमा माओवादी नेता तथा सम्विधान सभासद (माननीय)नन्दकुमार प्रसाई, नेपाल प्रज्ञाप्रतिष्ठानका कुलपति बैरागी काइँला, उपकुलपति गङ्गाप्रसाद उप्रेती, सत्यमोहन जोशी, वेलायतमा मोतीराम भट्ट मानिने सुरेशजङ शाह, महाराजगन्ज मेडिकल कलेजका प्रमुख तथा नइ प्रकाशनका उपाध्यक्ष प्रा.डा.रामप्रसाद उप्रेती र सदस्यसचिव नरेन्द्रराज प्रसाईले मन्तव्य प्रकट गर्नु भएको थियो ।