नइ प्रकाशन Nai Prakashan
»  अन्तर्राष्ट्रिय र राष्ट्रिय पुरस्कार   »  नइ देरुनीखपू पुरस्कार   »  देशविदेशका दस जनालाई नइ पुरस्कार   »  वाङमय, धर्म र सेवा पुरस्कार   

देशविदेशका दस जनालाई नइ पुरस्कार

         नइ प्रकाशनले विविध क्षेत्रमा समर्पित भई आआफ्ना ठाउँबाट प्रतिष्ठा आर्जन गर्ने राष्ट्रिय र अन्तराष्ट्रिय क्षेत्रका दस जना महानुभावहरूलाई २०६७ सालको नइ पुरस्कार प्रदान गर्ने घोषणा गरेको छ । यी पुरस्कार ताम्रपत्रसहित जनही बीस हजार रूपियाँ राशिका छन्।

      नइ प्रकाशनका अध्यक्ष श्रीमती इन्दिरा प्रसाईको अध्यक्षतामा बसेको नइ प्रकाशनको साधारणसभाले सो निर्णय गरेको हो ।
      नइ प्रकाशनले नइ चन्द्रधन पुरस्कार बाग्लुङका अखण्डज्योति बाबा श्री मुक्तिनाथ पिठाधिश्वरस्वामी कमलनयनाचार्यलाई धर्मसंस्कृतिको सम्बर्धन, संरक्षण र जागरणमा समर्पित भएवापत समर्पण गर्ने निर्णय गरेको छ । 
      यसै गरी नइ रामलक्ष्मी पुरस्कार मानव यौनिक तथा लैङ्गिक अल्पसङ्ख्यकको सङ्गठन र सेवामा राष्ट्रिय र अन्तराष्ट्रिय क्षेत्रमा महत्त्वपूर्णयोगदान पुर्‍याएबापत तेस्रो लिङ्गी काठामडौंकी श्री मनीषा विष्टलाई प्रदान गरिने भएको छ ।  
      नेपालको राष्ट्रिय अखण्डता र स्वतन्त्रता विषयक चिन्तनका लागि प्रदान गरिने नइ कीर्तिनिधि पुरस्कार ताप्लेजुङका प्रा.डा. सुरेन्द्र के.सी.लाई प्रदान गर्ने प्रदानगर्ने निर्णय भएको छ । 
      त्यस्तै बैतडीका प्रा.डा.महादेव अवस्थीलाई समालोचना र अन्वेषणका क्षेत्रको नइ ईश्वर बराल पुरस्कार प्रदान गरिने भएको छ ।
      साथै सुनसरीका गिरिराज आचार्यलाई सृजना र सङ्गठनबाट नेपाली भाषासाहित्यको श्रवृद्धिमा योगदान पुर्‍याएवापत नइ भाजप पुरस्कार प्रदान गरिने भएको छ ।
      त्यसैगरी कास्कीका श्री प्रकट पगेनी शिवलाई गीत लेखन, अभिनय र चित्रकलाका लागि नइ ईश्वरवल्लभ पुरस्कार प्रदानगर्ने निर्णय गरेको छ । 
      काठमाडौंकी श्रीमती बाबा बस्नेतलाई नेपाली भाषासाहित्यमा एकपछि अर्को उत्कृष्ट कृतिहरु सृजना गरेवापत नइ रेखा पुरस्कार प्रदान गर्ने निर्णय भएको छ । 
      खोटाङका श्री धीरज राईलाई स्वरका माध्यमबाट देशदेशान्तरमा नेपाली भाषाको महिमा वढाएवापत नइ कोइलीदेवी पुरस्कार प्रदान गर्ने निर्णय गरेको छ । 
त्यसैगरी वैदेशिक रोजगारमा रहेर नेपाली भाषासाहित्यमा रचना गर्ने इजरायलका श्रीमती दीव्स शाहको 'आगो' कवितासङ्ग्रह र श्रीमती उमा सुवेदीको 'तप्कीएर अँजुलीमा' गजलसङ्ग्रहलाई नइ गणेशदुर्गा पुरस्कार संयुक्त रुपमा प्रदान निर्णय गरेको छ ।
नइ प्रकाशनका २४ वटा पुरस्कार बैशाख, कात्तिक र माघ गरी तीन चरणमा प्रदानगरिन्छ । यस प्रयोजनका लागि एक करोड दस लाख रुपियाँ बैंकको अक्षयकोषमाराखिएको छ । वरिष्ठ राजनितज्ञ तथा दानबीर खनूपरुदे रामबाबूले गत वर्ष नइ प्रकाशनलाई पन्चानब्बे लाख रुपियाँ प्रदान गर्नु भएको थियो । नइ प्रकाशनले हर साल देश विदेशका प्रतिभालाई दस लाख रुपियाँ राशिका पुरस्कार प्रदान गर्ने गर्छ ।
 

००००००००००००००००००००००००००००००००००००० गत बर्ष
काठमाडौं, २०६६ चैत ४ (१७-३-२०१०)
नइ प्रकाशनले आज राजधानी काठमाडौंमा एक समारोह माझ विभिन्न क्षेत्रमा रहेर वाङ्मयको उल्लेखनीय सेवा गर्ने ६ जना महानुभावलाई जनही १० हजार रूपियाँ राशिका २०६६ सालका नइ पुरस्कार प्रदान गरेको छ ।
 
प्रमुख अतिथि भारतका प्रा.डा. इन्द्रबहादुर राईले नेपाली सङ्गीतको श्रीवृद्धिका लागि तीन दशकदेखि समर्पित हुँदै स्वरका माध्यमले जनमन छुन सफल श्री रामा मण्डललाई नइ कोइलीदेवी पुरस्कार प्रदान गर्नुभयो ।
 
त्यसैगरी तीन दशकअघिदेखि नेपाली भाषासाहित्यको साधनामा समर्पित रहँदै लेखन र समाजसेवामा महत्वपूर्ण योगदान दिनुहुने श्रीमती पुष्पलता आचार्यलाई नइ रेखा पुरस्कार  प्रदान गरियो ।
 
झन्नै तीन दशकदेखि नेपाली वाङ्मयको साधनामा समर्पित रहँदै निबन्ध, प्रबन्ध, स्तम्भ लेखन तथा साहित्यक पत्रकारितामा समेत महत्वपूर्ण योगदान दिनुहुने श्री जयदेव भट्टराईलाई नइ ईश्वरवल्लभ पुरस्कार  प्रदान गरियो ।
 
यौनिक तथा लैङ्गिक अल्पसंख्यक व्यक्तिहरुको हीत, मर्यादा र संरक्षणमा उल्लेखनीय योगदान पुर्‍याउने नीलहीरा समाजका अध्यक्ष तथा संविधानसभासद् श्री सुनीलबाबू पन्तलाई  नइ रामलक्ष्मी पुरस्कार  प्रदान गरियो ।
 
तीन दशकदेखि नेपाली भाषासाहित्यको साधनामा समर्पित रहँदै लघुकथा, कविता र निबन्ध लेखनका साथै चिकित्साक्षेत्रमा समेत महत्वपूर्ण योगदान दिने डा. रवीन्द्र समीरलाई नइ भाजप पुरस्कार  प्रदान गरियो ।
 
साथै भारतको दार्जीलिङ निवासी श्रीमती नीना राईद्वारा लिखित अन्तर्दृष्टिका रङहरूनामक कृतिका लागि नइ गणेशदुर्गा पुरस्कार प्रदान गरियो ।
 
त्यस अवसरमा नेपाली भाषासाहित्यका २५ जना ख्यातिप्राप्त व्यक्तित्वद्वारा नइ प्रकाशनका पुरस्कार संस्थापक तथा मुख्य दाता खनूपरूदे रामबाबूलाई सामूहिक अभिनन्दन गरिएको थियो । २५ जना स्रष्टाको हस्ताक्षर भएको उक्त अभिनन्दनको ताम्रपत्र प्रमुख अतिथि प्रा.डा. राईले रामबाबूलाई प्रदान गर्नुभयो ।
 
समारोहमा सुप्रसिद्ध अभिनेत्री सुश्री मनीषा कोइरालाले नरेन्द्रराज प्रसाईद्वारा लिखित "देवकोटाका कृति" नामक ग्रन्थको लोकार्पण गर्नुभयो । त्यस कृतिमा महाकवि लक्ष्मीप्रसाद देवकोटाका प्रकाशित र अप्रकाशित १२४ वटा कृतिको परिचय दिइएको छ । सो कृति सुश्री कोइरालाको आर्थिक सौजन्यमा नइ प्रकाशनबाट प्रकाशित भएको हो ।
 
साथै सीतापाइलाको युवासहभागिता माध्यामिक विध्यालयबाट एसएलसी परीक्षामा अधिकतम नम्बर ल्याउने सुश्री जस्मिना माझीलाई एक हजार रूपियाँसहित नइ रेखा विध्यापुरस्कारको ताम्रपत्र  प्रदान गरियो ।
 
नइ प्रकाशनका अध्यक्ष श्रीमती इन्दिरा प्रसाईको सभापतित्वमा सञ्चालित सो समारोहमा उपाध्यक्ष प्रा.डा. रामप्रसाद उप्रेती र सदस्यसचिव नरेन्द्रराज प्रसाईले पनि मन्तब्य दिनु भएको थियो ।