उद्देश्य

नेपाली भाषासाहित्यको श्रीबृद्धिका लागि समर्पित हुनु नइ प्रकाशनको प्रमुख उद्धेश्य हो । नइ प्रकाशन आफ्नो क्षमताअनुसार नेपाली प्रतिभाका सिर्जनात्मक कौशललाई सुन्दर एवं सुरुचिपूर्ण ढङ्गले प्रस्तुत गर्न अग्रसर छ । स्रष्टाहरूको चाहनामा राष्ट्रको ढुकढुकी निहित हुन्छ । जगत्मा जन्मेर जीवन चलाउन जमजमाउने हरेक जानिफकारले जन्मभूमिको जयगानमा आफूलाई समर्पित गर्नु नै उसको पुनीत कर्तव्य पनि हो । यसै सन्दर्भमा सांस्कृतिकसेवा पनि राष्ट्रसेवाको महत्त्वपूर्ण कडी हो भन्ने भावनाले यो संस्था उत्साहित छ । नइ प्रकाशनका प्रमुख उद्धेश्य निम्न लिखित छन्:

१. नेपाली भाषासाहित्यको सेवा गर्ने
२. स्तरीय कृतिको प्रकाशन गर्ने
३. स्रष्टाको सम्मान गर्ने
४. साहित्य, कला र संस्कृतिबारे सभासम्मेलन र गोष्ठी गर्ने
५. सर्जकहरुको क्षमताबृद्धिका लागि वातावरण तयार गर्ने ।

प्रथम नारीसिर्जना 'राजधर्म'

लघुकथा महोत्सव

लघुकथा प्रतियोगिता - २०६५ को आह्वान

लघुकथा प्रतियोगिता - २०६४ को घोषणा

नइ प्रकाशनले नेपाली भाषासाहित्यको श्रीवृद्धिका लागि कार्यक्रम गर्दै आएको छ । यसै परिप्रेक्ष्यमा देशदेशान्तरमा बस्ने नेपालीभाषाका सर्जकहरूलाई एकअर्कासँग परिचय गर्ने अवसर र अभिप्रायसमेत जोडेर अन्तर्राष्ट्रिय लघुकथा महोत्सव २०६५ को आयोजना गरिएको छ । लघुकथा २०६५ साल भदौ मसान्तसम्ममा bibhorbaral@gmail.com अथवा nai@wlink.com.np मा आइपुग्नु पर्नेछ । प्रतियोगितामा उत्कृष्ट एकजना कथाकारको कथा प्रकाशित गरिनेछ । साथै एकजना उत्कृष्ट कथाकारलाई वेबसाइट मार्फत नइ स्रष्टासम्मान समर्पित गरिनेछ । विभोर बराल, सम्पादक, अन्तर्राष्ट्रिय लघुकथा महोत्सव

नइ प्रकाशनद्वारा आयोजित प्रतियोगितात्मक अन्तर्राष्ट्रिय लघुकथा महोत्सवमा डा. रविन्द्र समीर अति उत्कृष्ट कथाकार घोषित हुनु भएको छ । उहाँलाई २०६४ सालको नइ स्रष्टासम्मान समर्पित गरिएको छ । डा. रविन्द्र समीरमा समर्पित सम्मानपत्रका साथै प्रतियोगितामा उत्कृष्ट ठहरिएका दस लघुकथा पढ्न यहाँ थिच्नुहोस् ।